------------------------------------------------------------------------------------------------------------------------------

04 сентябрь 2019 йил                                       № 3544 қ                                                   Хонқа шаҳарчаси

Қорақош қишлоғи Мустақиллик маҳалласида жойлашган “Жумаёз Хурсандбек” хусусий корхонасига қарашли тикувчилик ательеси ва савдо шаҳобчасига қўшимча “Ёшлар келажагимиз” давлат дастури асосида маиший хизмат кўрсатиш шаҳобчаси ва савдо дўкони қурилишига

доимий фойдаланиш учун ер майдони ажратиб  бериш тўғрисида  

Ўзбекистон Республикаси Президентининг 2018 йил 27 июндаги “Ёшлар келажагимиз” давлат дастури тўғрисидаги ПФ-5466-сонли фармони ижросини таъминлаш бўйича “Жумаёз Хурсандбек” хусусий корхонасининг туман ҳокими номига “Ёшлар келажагимиз” давлат дастури асосида корхонага қарашли тикувчилик ательеси ва савдо шаҳобчасига қўшимча маиший хизмат кўрсатиш шаҳобчаси ва савдо дўкони қуриш учун ер майдони ажратиб беришни сўраб йўллаган 2019 йил 06 августдаги 76-сонли мурожаати ва унга илова қилинган ҳужжатларни, туман ер ресурслари ва давлат қадастри бўлимининг 2019 йил 13 августдаги 3307-сонли ва Хоразм вилояти қурилиш бош бошқармасининг хулосаларини, қишлоқ хўжалигига оид бўлмаган бошқа эхтиёжлар учун ер участкаларини бериш (реализация қилиш) масалаларини кўриб чиқиш бўйича туман комиссиясининг ер ажратиш далолатномасини кўриб чиқиб Ўзбекистон Республикаси “Ер кодекси”нинг ва “Маҳаллий давлат ҳокимияти тўғрисида”ги Қонунининг 6-моддаларига асосан

Қ А Р О Р    Қ И Л А М А Н:

1. Туман ҳокимлиги ҳузуридаги қишлоқ хўжалигига оид бўлмаган бошқа эхтиёжлар учун ер участкаларини бериш (реализация қилиш) масалаларини кўриб чиқиш бўйича туман комиссиясининг ер майдони ажратиш ҳақидаги далолатномаси маъқуллансин.
2. “Ёшлар келажагимиз” давлат дастури асосида “Жумаёз Хурсандбек” хусусий корхонасига қарашли тикувчилик ательеси ва савдо шаҳобчасига қўшимча маиший хизмат кўрсатиш шаҳобчаси ва савдо дўкони қурилиши учун туман заҳира ерлари фонди ҳисобидаги қишлоқ ер харитасининг 319-қисм контуридаги ер майдонидан 600,00 кв.метр ер майдони доимий фойдаланиш учун ажратиб берилсин.
3. “Жумаёз Хурсандбек” хусусий корхонаси (Ж.Хасанов)га:

   - ушбу қарорга асосан қурилиши режалаштирилаётган объектни буюртма асосида            АРТ-I-II ва қурилиш лойиҳа-смета ҳужжатларини тайёрлатиш;

- Мазкур қарор қабул қилиниши муносабати билан туман “Давлат хизматлари маркази” орқали ер учаскасига бўлган хуқуқни давлат рўйхатидан ўтказиш вазифаси юклатилсин.

- Ажратилган ер майдонидан 3 йил мобайнида мақсадли фойдаланилмаганда Ўзбекистон Республикаси “Ер кодекси”нинг 36-моддаси, 10-бандига асосан ердан фойдаланиш ҳуқуқи бекор қилиниши белгилаб қўйилсин.

4. Туман архитектура ва қурилиш бўлими (Р.Умиров)га;

- қурилиши режалаштирилаётган мазкур объектни лойиҳалаштириш учун архитектура режалаштириш топшириғи ва ажратилган ер майдонининг йиғма жилдини тайёрлаб бериш;

- Ажратилган ер майдонидан 3 йил мобайнида мақсадли фойдаланилмаганда туман ҳокимлигига тақдимнома киритиш вазифаси топширилсин.

5. Ушбу қарор Халқ депутатлари Хонқа туман кенгашининг навбатдаги сессияси тасдиғига киритилсин.
6. Ушбу қарорнинг бажарилишини назорат қилиб бориш туман ҳокимининг ўринбосари А.Хўжаниёзов зиммасига юклатилсин.

Туман ҳокими                                                                                                                    О.Ғ.Жуманазаров