Joylarda aholi muammolarini o‘rganish va ularni bartaraf etishga doir qator chora-tadbirlar ishlab chiqilib, bosqichma bosqich amalga oshirilmoqda.
Xususan, Xonqa tumani hokimining fuqarolar bilan uchrashuvlar utkazishi, sektor rahbarlarining hududlardagi sayyor qabullari hamda ba’zi murojaatlarga joyida yechim topilayotganligi bunga yaqqol misol.
Bugun tuman hokimi M. Davlatovning navbatdagi fuqarolar qabuli bo‘lib o‘tdi.
Unda moddiy yordam, uy-joy, bandlik, nafaqa puli ajratilishidagi muammolar, sog‘ligini tiklashda amaliy yordam ko‘rsatish va boshqa masalalar yuzasidan 25 nafardan ziyod eldoshlarimiz tomonidan murojaatlar bildirildi.
Shuningdek, qabulda ishtirok etayotgan mutasaddi tashkilot rahbarlariga tegishliligi bo‘yicha murojaatlarni o‘rganish, ijrosini qonun doirasida ta’minlash yuzasidan ko‘rsatmalar berildi.