Олий Мажлис Қонунчилик палатаси депутати М. Қурбонбоев ҳамда туман ҳокими М. Давлатовлар ушбу йирик лойиҳанинг қурилиш жараёнлари билан танишиб, муҳандислар билан суҳбатлашдилар.
Умумий қиймати 47 миллиард сўм бўлган мазкур лойиҳанинг қурилиш таъмирлаш ишлари пудратчи ташкилот “Оби Хаёт" инжиниринг МЧЖ томонидан олиб борилмоқда.
Лойиҳани амалга оширилиши натижасида 35 минг аҳоли янгидан марказлашган оқава сув хизматига уланади ва 50 йил давомида хизмат кўрсатиши белгиланган.
Шунингдек, марказлашган оқава сув тармоғи кунига 4000 метр куб оқава сувни тозалаш имкониятига эга бўлиб, 1-босқичда кўп қаватли уй-жойларда яшовчи 864 та аҳоли хонадонларига хизмат кўрсатади ҳамда келгуси 10 йил давомида Хонқа шаҳарчасида барпо қилиниши кўзда тутилган 110 та кўп каватли уй-жойларни қамраб олиш қувватига эга бўлади.