--------------------------------------------------------------------------------------

“......” ........................... 2019 йил             № ......                                               Хонқа шаҳарчаси

Мадир қишлоғи Дўстлик маҳалласидан “Заҳро Замин” хусусий корхонасига “Тикувчилик цехи” қурилишига доимий фойдаланиш учун ер майдони ажратиб бериш тўғрисида

“Заҳро Замин” хусусий корхонасининг туман ҳокими номига йўллаган мурожаатини ва унга илова қилинган ҳужжатларни, вилоят ҳокимининг 2017 йил 22 февралдаги “Хонқа тумани Мадир қишлоғи Дўстлик маҳалласи ҳудудидан “Заҳро Замин” хусусий корхонасига “Тикувчилик цехи” қурилиши учун ер майдони танлаш тўғрисида»ги 111қ-сонли ҳамда Хонқа тумани ҳокимининг 2015 йил 26 декабрдаги 1233қ-сонли қарорларини, Хоразм вилояти архитектура ва қурилиш бош бошқармасининг 2016 йил 29 мартдаги 284-сонли хулосасини, Хоразм вилояти ер ресурслари ва Давлат қадастри бошқармасининг 2015 йил 18 декабрдаги 3162-сонли хулосасини, қишлоқ хўжалигига оид бўлмаган бошқа эхтиёжлар учун ер участкаларини бериш (реализация қилиш) масалаларини кўриб чиқиш бўйича туман комиссиясининг ер майдони ажратиш ҳақидаги далолатномасини ҳамда “Хива нақши” МЧЖ томонидан ишлаб чиқилган лойиҳа ҳужжатларни кўриб чиқиб, Ўзбекистон Республикаси “Ер кодекси”нинг ва “Маҳаллий давлат ҳокимияти тўғрисида”ги Қонунининг 6-моддаларига асосан    

Қ А Р О Р   Қ И Л А М А Н:

1. “Заҳро Замин” хусусий корхонасига “Тикувчилик цехи” қурилиши учун Мадир қишлоғи Дўстлик маҳалласидан, қишлоқ ер харитасининг 252-қисм контуридаги балл бонитети 40 балли 0,20 гектар экин ер майдони доимий фойдаланиш учун ажратиб берилсин.

            -“Заҳро Замин” хусусий корхонаси (Г.Юсупова)га:

            - ҳозирда туман ҳокимлиги заҳира экин ерлари ҳисобида турган 40 балл бонитетли экин еридан “Тикувчилик цехи” қурилиши учун ажратилган 0,20 гектар ер майдони учун қишлоқ хўжалиги нобудгарчилиги ўрнини қоплашга кетадиган 9 685 000 (тўққиз миллион олти юз саксон беш минг) сўм пул маблағи вилоят ер ресруслари ва давлат кадастри бошқармасининг махсус ҳисоб рақамига ўтказиш;

 - Ажратилган ер майдонидан 3 йил мобайнида мақсадли фойдаланилмаганда Ўзбекистон Республикаси “Ер кодекси”нинг 36-моддаси, 10-бандига асосан ердан фойдаланиш ҳуқуқи бекор қилиниши тўғрисида огоҳлантирилсин.

           - Мазкур қарор қабул қилиниши муносабати билан туман “Давлат хизматлари маркази” орқали ер учаскасига бўлган хуқуқни давлат рўйхатидан ўтказсин.

2. Туман архитектура ва қурилиш бўлими (Р.Умиров)га қурилиш учун ажратилган ер майдонини чегараларини бош режага асосан белгилаб бериш, қурилишини тегишли лойиҳалар асосида назорат қилиб бориш вазифаси топширилсин.
3. Туман ер ресурслари ва давлат кадастри бўлими (М.Отабаев) туман ер мувозанатини тузишда ушбу ўзгаришларни ҳисобга олсин.            
4. Ушбу қарор Халқ депутатлари Хонқа туман кенгашининг навбатдаги сессияси тасдиғига киритилсин.
5. Ушбу қарорнинг бажарилишини назорат қилиш туман ҳокимининг ўринбосари А.Хўжаниёзов зиммасига юклатилсин.

Туман ҳокими                                                                                                      О.Ғ.Жуманазаров