"Ayollar daftari"ga kiritilgan xotin-qizlarni huquqiy jihatdan qo‘llab-quvvatlash hamda muammolarini hal qilish yuzasidan Jinoyat ishlari bo‘yicha Xonqa tumani sudining raisi M. Xasanova hamda O‘zbekiston Respublikasi Prezidentining Xonqa tuman Xalq qabulxonasi mudiri Z. Matkarimova bilan hamkorlikda sayyor qabul o‘tkazildi. 

Unda mahalla va oilani qo‘llab-quvvatlash tuman bo‘limi boshlig‘ining xotin-qizlar bo‘yicha o‘rinbosari Z. Nurmetova, Xalq deputatlari Xonqa tuman kengashining deputatlari, mahalla fuqarolar yig‘inlari raislarining oila, xotin-qizlar va ijtimoiy –ma’naviy masalalar bo‘yicha o‘rinbosarlari ishtirok etdilar.
Ochiq muloqot tarzida o‘tkazilgan qabul davomida aliment, nikoh, oilaviy nizolar, ish, uy-joy bilan bog‘liq masalalar yuzasidan bildirilgan murojaat mualliflariga o‘z muammolarini, fikrini to‘la-to‘kis bayon qilishi uchun alohida e’tibor qaratilib, dildan suhbatlashildi va huquqiy masalahatlar berildi.