Sayyor qabul davomida tadbirkorlik, qishloq xo‘jaligi texnikalarini olish maqsadida imtiyozli kredit ajratilishi, tibbiyot masalalari yuzasidan murojaatlar bildirildi.

 

Barcha murojaatlarning ijobiy yechimi yuzasidan mutasaddilarga tegishli ko‘rsatmalar berilib, ijrosi nazoratga olindi.

 

Taʼkidlash kerakki Davlatimiz rahbari tashabbusi bilan tashkil etilgan yangilangan mahalla tizimi - fuqarolar murojaatlarni mahallaning o‘zida yechimini topishga imkon yaratmoqda.

 

“Shirin” mahallasiga tashrif davomida tuman rahbari bir nechta xonadonlarda bo‘lib, mahalla ahli bilan muloqotlar olib bordi.

 

Bilamiz, olajaliklar asosan o‘z tomorqasida dehqonchilik qilib, nafaqat ichki bozorni balki, yondosh tuman aholisi dasturxonini ham turli sabzavotlar bilan taʼminlab kelishadi.

 

Ushbu tashabbusni inobatga olib, o‘tgan 2022- yil davomida mahalladagi 180 nafar ishsiz fuqarolarga 20 sotixdan 36 gektar yer maydonlari 10 yil muddatga ijaraga berildi.

 

Joriy yilda ham 54 nafar fuqarolarga oilaviy dehqonchilik bilan shug‘ullanishlari uchun 20 gektardan ziyod unumdor yerlar ajratildi