Xonqa tumani hokimligi rasmiy veb-sayti

Бу йил туманда 3 минг гектар майдонда ғалла етиштирилди. Ҳосилни  тез ва сифатли йиғиштириб олишда комбайн, ғалла ташувчи транспорт воситалари ва дон корхоналарига қарашли қабул маскани мавсумга шай қилиб қўйилган.

Бугун  тумандаги “Султонбой Хонимжон” фермер хўжалиги далаларида ғалла ўрим-йиғими бошланиши олдидан кўргазмали семинар ташкил этилди.

Унда сектор ва ҳудуд раҳбарлари ҳамда соҳа мутахассислари иштирок этдилар. 

Шунингдек, тадбирда туман ҳокими М. Давлатов  сўзга чиқиб ўрим-йиғим мавсумини уюшқоқлик билан тизимли ташкил этиш, ҳосилни нес-нобуд қилмасдан йиғиб олиш ҳамда ғалладан бўшаган майдонларга такрорий экинларни жойлаштириш юзасидан қатор топшириклар берди.

Якунда билдирилган таклифлар кенг муҳокама килиниб, аниқ вазифалар белгилаб олинди.