Xonqa tumani hokimligi rasmiy veb-sayti

Айни кунларда Хонка туман Болалар ва ўсмирлар спорт мактабида 232 нафар ёшлар спортнинг дзю-до йўналиши бўйича 8 нафар малакали тренерлар бошчилигида ўз маҳоратларини ошириб келмоқдалар.

Хусусан, 2021 йил 12-16 май кунлари Қозоғистон давлатининг Олмата шаҳрида ёшлар ва ўсмирлар ўртасида ўтказилган “Осиё кубоги” мусобақасида 5 нафар спортчиларимиз совриндорлар қаторидан жой олдилар. 

Ўзбекистон чемпионати ва кубоги совриндорлари қаторида ушбу йўналишда 30 нафарга яқин спортчи ёшларимиз борлиги қувонарли.

Туманимиз раҳбари ёш чемпионлар билан самимий суҳбатлашиб, машғулот жараёнлари билан яқиндан танишди ва келгусидаги фаолиятларида зафарлар тилади. 
Ушбу ташриф ёшларга чин маънода мотивация бўлди.

Шунингдек, Хонқа тумани ҳокими Муродбек Давлатовга спортни ривожлантиришда қўшган ҳиссаси учун Ўзбекистон Республикаси Дзю-до федерациясининг ташаккурномаси топширилди.