Xonqa tumani hokimligi rasmiy veb-sayti

RASMIY MUNOSABAT 

Ijtimoiy tarmoqlarda “Open budgetdan yutilgan yo‘lning ahvoli” sarlavhasi ostida murojaat tarqaldi.

Unda   Xonqa tumani “Navro‘z” mahallasiga olib boruvchi yo‘lga sifatsiz  asfalt yotqizilgani keltiriladi

Ushbu yo‘l tuman Obodonlashtirish boshqarmasiga karashli bo‘lib, open budget II- mavsumida mahalla ahli tashabbusi bilan 1.5 kilometr qismini taʼmirlash loyihasi g‘olib bo‘lgan.

Shundan so‘ng taʼmirlash ishlari “Xorazm Elita Construction” MCHJ tomonidan boshlab yuborilgan. Ayni damda qurilish va taʼmirlash ishlarni yakunlanmagan. Yo‘lning sifatsiz bajarilgan qismida esa qayta qurish va yangilash ishlari olib boriladi.

Qurilish ishlari yakunlangandan keyin mutasaddi va jamoatchilik vakillaridan iborat ishchi guruh tomonidan sifat darajasi o‘rganiladi, shundan  so‘ng mazkur obyekt foydalanishga qabul qilinishini maʼlum qilamiz   

Maʼlumot o‘rnida: Open budget loyihasi doirasida   2024- yil I- mavsum davomida fuqarolarning takliflari asosida 5 ta mahallada 8 kilometrdan ziyod ichki yo‘llarga asfalt yotqizilgan. II- mavsumda g‘olib bo‘lgan 6 ta mahallada 10 kilometrga yaqin ichki yo‘llarga asfalt yotqizish belgilangan.