------------------------------------------------------------------------------------------------------------------------------

«….» …………….. 2020 йил                    № ………                                        Хонқа шаҳарчаси

Хонка тумани Мадир қишлоғи Илғор маҳалласида жойлашган 7-сонли умумий ўрта таълим мактаби ҳудудидан фуқаро Кенжаев Улуғбекга вақтинча фойдаланиш учун тасарруф этиш ҳуқуқисиз «Сунъий қопламали минифутбол майдончаси» қурилишига рухсат қилиш тўғрисида

Хонка тумани Мадир қишлоғи Илғор махалласида яшовчи фуқаро Кенжаев Улуғбекнинг туман ҳокими номига сунъий қопламали минифутбол майдончаси қуриш учун 7-сонли умумий ўрта таълим мактаби ҳудудидан ер майдони ажратиб беришни сўраб йўллаган мурожаатини, 7-сонли умумий ўрта таълим мактабининг розилик хатини ва унга илова қилинган ҳужжатларни, туман ер ресурслари ва давлат қадастри бўлимининг хулосаси, Хоразм вилояти қурилиш бош бошқармасининг хулосаcини, қишлоқ хўжалигига оид бўлмаган бошқа эхтиёжлар учун ер участкаларини бериш (реализация қилиш) масалаларини кўриб чиқиш бўйича туман комиссиясининг рухсат қилиш далолатномасини кўриб чиқиб, Ўзбекистон Республикаси “Ер кодекси”нинг 6; 20 ва
30-моддаларига ва “Маҳаллий давлат ҳокимияти тўғрисида”ги Қонунининг
6-моддасига асосан

Қ А Р О Р    Қ И Л А М А Н:

1. Хонка тумани Мадир қишлоғи Илғор маҳалласида жойлашган умумий ер майдони 24922,12 кв.метр, шундан қурилиш ости майдони 2332,94 кв.метрдан иборат
   7-сонли умумий ўрта таълим мактаби ҳудудидан фуқаро Кенжаев Улуғбекга 1200,00 кв.метр ер майдонида 10 (ўн) йил муддатга вақтинча фойдаланиш учун тасарруф этиш ҳуқуқисиз «Сунъий қопламали минифутбол майдончаси» қурилишига рухсат қилинсин.
2. 7-сонли умумий ўрта таълим мактаби (Ғ.Аллаберганов)га Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини амалга ошириш тартиби тўғрисидаги НИЗОМ талаблари асосида фуқаро Кенжаев Улуғбек билан шартнома асосида иш юритиш вазифаси топширилсин.
3. Фуқаро Кенжаев Улуғбекга:

   - ушбу қарорга асосан қурилиши режалаштирилаётган объектни буюртма асосида            АРТ-I-II ва қурилиш лойиҳа-смета ҳужжатларини тайёрлатиш;

- Ўзбекистон Республикаси Халқ таълими вазирлиги тизимидаги умумий ўрта таълим муассасаларида пуллик таълим хизматларини амалга ошириш тартиби тўғрисидаги НИЗОМ талаблари асосида фуқаро Кенжаев Улуғбек ўртасида тузилган шартнома талаблари бажарилмаган тақдирда ушбу қарор ўз кучини йўқотиши белгилаб қўйилсин.

4. Туман архитектура ва қурилиш бўлими (Р.Умиров)га;

- қурилиши режалаштирилаётган мазкур объектни лойиҳалаштириш учун архитектура режалаштириш топшириғи тайёрлаб бериш ва қурилишини назорат қилиш;

- Юқоридаги шартнома талаблари ўз муддатида бажарилмаганда  туман ҳокимлигига тақдимнома киритиш вазифаси топширилсин.

5. Ушбу қарорнинг бажарилишини назорат қилиб бориш туман ҳокимининг ўринбосари А.Хўжаниёзов зиммасига юклатилсин.

Туман ҳокими                                                                                                  О.Ғ.Жуманазаров