Қолипли нон (буханка) нархларининг асоссиз оширилишига йўл қўйилмайди
Туманда озиқ-овқат маҳсулотлари, жумладан, қолипли нон нархларининг асоссиз ошиб кетишини олдини олиш ҳамда ишлаб чиқарувчиларнинг муаммолари юзасидан ўрганиш ишлари давом этмоқда.
Бугун туман ҳоким Муродбек Давлатов ҳамда сектор раҳбарлари томонидан нон маҳсулотлари ишлаб чиқариш фаолияти билан шуғулланувчи цехларнинг иш жараёнлари, расталардаги қолипли нон нарх-наволари ўрганилди.
Ўрганиш жараёнларида ишлаб чиқарилаётган маҳсулотларнинг сифати ҳам оғирлиги белгиланган меъёр даражасида бўлишлиги ва нархларни сунъий оширмаслик лозимлиги юзасидан тушунтиришлар олиб борилди.
Шунингдек, тадбиркорларнинг фаолият билан боғлиқ муаммолари ҳам муҳокама этилди ва мурожаатларни ҳал этиш бўйича тегишли тадбирлар белгиланди.
