Tumanning chekka hududlaridan biri bo‘lgan Navhos qishlog‘i “Znahos” mahallasida tuman hokimi Murodbek Davlatovning navbatdagi fuqarolar qabuli o‘tkazildi.
![](https://telegra.ph/file/c7a5ad8e68014e766699d.jpg)
Qabul davomida 20 nafarga yaqin fuqarolar elektr taʼminoti, tomorqa yerlari, kadastr, ichki yo‘llar, moddiy va tibbiy yordam masalalari bo‘yicha o‘z murojaatlarini bildirdilar.
![](https://telegra.ph/file/621cc4b7fbd4705ac0e7f.jpg)
Jumladan, “Madaniyat” mahallasida yashovchi Rustam Matkarimovning mahalla chekkasidagi kichik qabristonga qarashli binoni elektr taʼminotiga ulash masalasi o‘z yechimini topdi va bu yuzadan mutasaddilarga ko‘rsatmalar berildi.
![](https://telegra.ph/file/50ac7bf4db6aa51c229dc.jpg)
Bugungi bildirilgan murojaatlarning aksariyati yuqoridagi kabi qonun va belgilangan mezonlar asosida yechimini topgan bo‘lsa, baʼzi murojaat egalariga tushuntirish va tavsiyalar berildi.
![](https://telegra.ph/file/df9549d32f0626649291e.jpg)
Shuningdek, “Znahos” mahallasining markazidan olisda yashab kelayotgan bir guruh fuqarolarning hududdagi tuproq yo‘llar holatini yaxshilash hamda elektr taʼminoti kabi murojaatlari joyiga chiqib o‘rganildi.
![](https://telegra.ph/file/72a564ade1623854c19ef.jpg)
Fuqarolar bilan suhbat davomida hudaddagi o‘quvchilarni maktabga olib boruvchi transport qatnovini yo‘lga qo‘yish va yo‘l yoqasiga bekatlar o‘rnatish lozimligi taʼkidlab o‘tildi.
![](https://telegra.ph/file/ea0b880860499d367cee4.jpg)
Bundan tashqari tuproq yo‘llarga qum-shag‘al aralashmasi yotqizilishi hamda elektr tarmoqlarini o‘tqazilishi bo‘yicha takliflar kiritilishi bo‘yicha soha mutasaddilariga tegishli topshiriqlar berildi.